تشي فاتشي يا دراقه
سبب القصيده أنه 3 اشخاص من بنغازي في سنة 1971 في رومانيا
الاستاذ سالم بودومات
الاستاذ محمد العبــــــــار
ويوسف صدقي لاعب النصر
يعومو ف البحر ,,فمحمد العبار ينده في سالم ويوقوله امية البحر حلوه ...
طبعـــــــا تشي فاتشي "كلمه رومانيه معناها تحيه" ... دراقه "الفتاه الحلوه الجميله
وجا ذاقه .. فقاله والله فعلا أميته حلوه
المهم بدأ القصيده وقاله ...
تشي فاتشي يا دراقه ... حلو البحر الاسود علي مذاقه ..
تشي فاتشي يا روبي ..العين قصطليه والشعر خروبي ..30 ليله غير دوبك دوبي ...مشتاق ملتذع يبحث علي مشتاقه ...
تشي فاتشي يا ابنيه ... تشي فاتشي يا بنت رومانيه نا العشق عندي جاي ف الحريــــــــــــــه ...حتي في زمان الحبس والشناقه ..
ويندم اللي يدير معانا سيه ...ويجيك الفرج يا عيــــــــــــــــــــــــن داقه داقه ..
تشي فاتشي من جدي ... سالن دموعي نين غطن خدي ... اليوم الثعالب يقتلن ف السدي ...وطامعتافي مسكة ارقيق ساقه ...
وحتي جبلنا منشهب متكدي ...من طوعة ضناء الاجواد لللقاقه ...
تشي فاتشي يا زينه ...من ضيم وطنا رانا اليوم جلينا ... هلبنا البحر وعندكم حطينا ...وجوهنا كفايا والكبود حراقه ...
الشيخ فينا صايده تغبينه ... اقلال الحياه واطوه من معلاقه
اليوم علموه الذل وطع عينه ...يذوق ف القهاير كل يوم اذواقه ...
اليوم ف الصغا تم ف حياه خزينه ...بعد كان يضرب ضربته العواقه ...
طاب ع الجلا جالي محامي دينه ...خاف من قلال الدين والزنداقه ...
فرعت هبد ربنا بهم بالينا ...شلت همده اصلهم سراقه ...
بجاه الزوايا وكل شيخ مدينه ...المولي يطرشق بينهم طرشاقه ...
ويبان العشم غير من عملهم فينا ...ويبقو ذوايح في نهار أملاقه ...
تراب وطنا حامي وناره شينه ... تصهد اللي ناوي يريد غراقه ...
وتشي فاتشي يا دراقه ... حلو البحر الاسود علي مذاقه ... من ضيم وطنـــــــا
